Askush nuk do ta mendonte se një vajzë shqiptare do të tërhiqte kaq shumë vëmendje në tapetin e kuq të Çmimeve Grammy, që u mbajt të dielën në Los Angeles.
Elvana Gjata ia doli t’i bënte të gjithë të kthenin kokën, pasi u shfaq tepër elegante me një fustan të zi me golf të punuar nga stilisti libanez Nicolas Jebran dhe e kuruar nga make-up artisti i Kylie Jenner, Samuel.
Bukuroshja shqiptare ishte e ftuar nga bashkëpunëtorët e saj, midis të cilëve edhe producenti i Justin Bieber, Poo Bear. Ajo shoqërohej edhe nga menaxheri Andi, i cili ishte bërë shumë elegant me një kostum të zi, këmishë të bardhë dhe papjon të zi.
“Këngëtarja shqiptare e muzikës Pop, Elvana Gjata është duke bërë pikërisht atë që unë dua sonte: e papritur, e pazakontë, ndoshta pak off, por kurrë e parashikueshme. Do të gënjeja nëse do të thosha se unë kurrë nuk do të vesh një fustan golf, të shkurtër nga para dhe me një bisht të gjatë nga pas”, shkruan portali The Muse teka komenton veshjen e bukuroshes shqiptare.
