Mbrëmjen e diel në emisionin “Për’Puthen Prime”, konkurrentja Melisa Lleshi ka kërkuar në studio largimin e saj nga emisioni.
Të premten, ajo preferoi të mos zgjidhte asnjë djalë për takimin e javës, duke u shprehur se të dielën do të shprehte një vendim.
“Nuk mbaj dot më”- u shpreh konkurrentja duke veçuar thashethemet e shumta si arsyen kryesore për marrjen e vendimit të saj.
Melisa tregoi se kishte një ngarkesë emocionale për shkak të sulmeve të shumta të konkurrentëve me njëri-tjetrin, ndaj kishte disa javë që kërkonte të largohej.
Ajo u shpreh se nuk e shihte asnjërin prej meshkujve konkurrentë si partnerin e ardhshëm të jetës.
Melisa vendos të largohet në një moment delikat, kur prej disa ditësh në media po qarkullon lajmi se ajo dhe Andi, janë prej disa kohësh në një lidhje së bashku.
Mirëpo, Melisa është rikthyer sot sërish në “Për’puthen” me një tjetër mision.
Pas Ana Kaurit, ajo do të moderojë emisionin deri në kthimin e Bora Zemanit, e cila është infektuar me Covid-19.
Të gjitha vajzat do të jenë me radhë në moderim dhe gjatë largimit të saj, Melisa shprehu “pendesën” që po ikte pa moderuar emisionin.
Mirëpo, duket se kjo dëshirë i është plotësuar dhe pavarësisht faktit që nuk është më pjesë e emisionit, Melisën e shohim sonte në drejtimin e tij.
