Ariana Grande kujton ish-të dashurin e saj të ndjerë, Mac Miller, përmes një postimi në Instagram. Ajo postoi një foto të vetes së veshur me një triko me kapuç, ndërsa përkëdhel qenushin e tij.
Bluza, në të cilën shkruhet “Nuk jam reper” është si ajo e Miller, i cili ndërroi jetë më 7 shtator pas një mbidoze droge. Postimi i saj vjen pas koncertit të mbajtur nga Travis Scott dhe John Mayer në nder të Miller, mbrëmjen e së mërkurës.
Sigurisht që nuk është e njëjta bluze, që ka veshur dikur Mac, por fansat mendojnë se është një mënyrë e këngëtares për të përkujtuar ish-të dashurin.
Së fundmi Ariana ka treguar se vazhdon të ketë sërish në mendje reperin, për të cilin është shprehur se e adhuroi që nga dita e parë që e takoi.
