Pasi bashkëshorti i saj u zgjodh President i SHBA-ve, Melania Trump është shigjetuar shumë nga mediat.
Melania thuhet se nuk është aspak e lumtur më jetën e saj të re si “Zonja e Parë e Shteteve të Bashkuara të Amerikës”. Miku i familjes, Phillip Bloch, tregoi ekskluzivisht për “Daily Mail” se, gjendja mendore e Malania-s është duke u përkeqësuar.
“Kjo jetë nuk është ëndrra e saj. Është e Donald-it. ka shumë për t’u përballuar. Melania nuk ndihet e lumtur për mënyrën si përfundoi jeta e saj. Është e mjerueshme”, u shpreh Bloch.
Ajo jo vetëm që nuk pranon të jetojë në Shtëpinë e Bardhë, por gjithashtu është izoluar në rezidencën e saj private dhe thuajse nuk del prej saj duke shmangur kështu përgjegjësitë si Zonja e Parë e vendit.
Po i njëjti burim shton se ajo e përjetoi shumë keq faktin që u tall haptazi nga modelja Gigi Hadid dhe se e gjithë Amerika qeshi me të. Që nga momenti kur ajo u shpall Zonja e Parë ëndrra e saj për të pasur një linjë veshjesh u shua, madje nuk është në gjendje as të krijojë veshje të personalizuara pasi asnjë stilist nuk pranon të punojë për të.
Tashmë që ajo jeton vetëm, kontaktet me Donald Trump dhe djalin e saj të vogël janë rralluar, kjo pasi eskorta i shoqëron ata ngado dhe Melania-s nuk i pëlqen aspak kjo gjë.
Burimi: Elite Daily
