Videot e bukurisë janë kudo në “Instagram”, si mënyra më e mirë për të shpjeguar një trend dhe për të shitur produktet e kozmetikës. Por një video nuk mund të jetë asnjëherë e plotë pa muzikën e preferuar.
Dua Lipa është bërë e njohur në tregun ndërkombëtar dhe arritjet e saj në muzikë vazhdojnë. Këngëtarja me origjinë shqiptare së fundmi po shijon suksesin e bashkëpunimeve me Sean Paul dhe Martin Garrix, por hiti i saj i parë nuk është harruar ende nga fansat.
Kënga e saj “Be the one” ka tërhequr vëmendjen e artistes së makijazhit Clarke. Përmes një një video tutorial Clarke prezanton linjën më të re të buzëkuqeve të Kylie Jenner.
Pikërisht kjo e fundit ka zgjedhur më pas që ta ripublikojë videon në profilin e saj të “Instagram”-it.
Duke marrë parasysh që Kylie nuk poston shpesh video të tilla, shtuar kësaj faktin që ajo ka 86 milionë ndjekës, mund të themi se është një promovim shumë i mirë për Dua Lipën.
Burimi: Instagram
