Dukesha e Sussex i la të gjithë me gojë hapur, teksa u shfaq në një event e veshur me një fustan tejet të guximshëm në Fraser Island gjatë turit mbretëror në Australi.
37-vjeçarja kishte zgjedhur një fustan me rripa të markës “Reformation”, në ngjyrë të bardhë me shirita gri, ku theksin kryesor e kishte e çara e fustanit. Duket se Meghan ka lënë veshjet zyrtare në Mbretërinë e Bashkuar, për të përqafuar diellin e ngrohtë të Australisë gjatë tremujorit të parë të shtatzënisë.
Mirëpo gjatë kohës që u ul në gjunjë për të përshëndetur të pranishmit që kishin ardhur për ta përshëndetur, Meghan tregoi pak më shumë seç duhet. Dhe fansat në rrjetet sociale, nuk u treguan edhe aq dashamirës, duke i tërhequr vëmendjen se një Dukeshë është më konservatore se kaq.
