Mbrëmjen e djeshme Tayna ka konfirmuar bashkëpunimin e saj me artistin ndërkombëtar L’Algerino. Ajo ka ndarë një foto krah artistit në Instastory, teksa titulli i projektit duket të jetë “Moona”.
“Më shpejt nga sa mendoni”-ka shkruar Tayna krah fotos, pa zbuluar datën e lançimit të bashkëpunimit.
Por, çdo dyshim është shuar ditën e sotme dhe po kënga po vjen më shpejt nga sa menduam. Duke postuar një pjesë të këngës në Instastory, ka treguar se kënga do publikohet ditën e nesërme në orën 20:00.
Disa javë më parë menaxheri i Taynës, Rinor Hykolli, zbuloi për “iconstyle.al” se reperja ka gati dy bashkëpunime ndërkombëtare. Ai shtoi se këngët janë përfunduar, por Covid-19 kishte pamundësuar xhirimet e videoklipeve teksa ne jemi kuriozë se me kë do jetë bashkëpunimi tjetër.
Prej disa javësh në rrjet po qarkullon një audio e këngës së saj. Nuk dihet se si ka dalë nga studio ky regjistrim, por po pëlqehet shumë. Projekti është ritmik dhe shumë i bukur e mund ta dëgjoni më poshtë.
Kujtojmë se pak javë më parë ajo publikoi “Johnny” që u bë menjëherë virale.
Sipas mediave, reperja pritet të sjellë një këngë me një nga artistët më të preferuar të pulikut shqiptar, Flori Mumajesin, por asnjëri prej tyre nuk ka reaguar ende rreth këtyre zërave.
Ndërkohë së fundmi në rrjet ka nisur të qarkullojë një duet mes Taynës dhe Mozzik, që pritet të publikohet së shpejti. Kënga ka dalë nga studioja para kohe dhe tani ka mbetur vetëm që dy reperët ta nxjerrin zyrtarisht.
Nga videoja e publikuar në rrjete sociale duket se ajo titullohet “Pram” dhe tani fansat po presin me padurim t’i shohin sërish bashkë në një videoklip bashkë Taynën dhe Mozzik.
