Reperi Offset nuk ndalet së kërkuari falje bashkëshortes së tij, Cardi B. Dhe pasi i është lutur për ditë të tëra në rrjetet sociale, reperi kishte menduar edhe një surprizë, që nuk shkoi edhe aq mirë.
Teksa Cardi B performonte në skenën e festivalit “Rolling Loud” në Los Angeles mbrëmjen e së shtunës, në skenë mbërriti një tortë dhe tufa me lule ku shkruhej: “Më prano sërish, Cardi”.
Reperi u shfaq në skenë duke i kërkuar falje së shoqes, por ajo nuk u impresionua aspak nga gjesti dhe kërkoi që të gjitha gjërat të hiqeshin në mënyrë urgjente nga aty. Pak momente më vonë, nëna e Kulture sqaroi se nuk i kishte qef surprizat, pasi nuk di si të reagojë dhe ka nevojë për pak kohë për t’u menduar. Gjithsesi, Cardi B i kërkoi fansave të vlerësojnë Offset dhe ta respektojnë, pasi është babi i vajzës së saj.
Me 2 dhjetor, Cardi B njoftoi fansat se do të divorcohej nga partneri i saj.
