Një ish-eskortë seksi, e cila kaloi 2 vitet e jetës si e tillë ku merrte 260 dollarë orën, ka zbuluar se gjëja më negative e kësaj pune ishte dhimbja e gjykimit se punonte si prostitutë.
27-vjeçarja kanadeze Andrea Werhun, nga Toronto, ka publikuar librin “Modern Whore” (“Prostituta moderne”).
Libri është një bashkëpunim me regjisoren Nicole Bazuin dhe siç thotë autorja synon që të heqë disa paragjykime mbi punonjëset e seksit.
Andrea rrëfen se përgjatë dy viteve ka shkuar me qindra klientë dhe një pjesë e tyre kanë qenë të moshuar, duke treguar edhe rastin me një 80-vjeçar. Për një orë ajo fitonte 200 deri në 300 dollarë. Por jo gjithçka e bënte për para.
“Nuk më vjen turp dhe as pendohem për atë që kam bërë. E kam shijuar seksin me klientët, sigurisht edhe pagesën. Më pëlqejnë paratë dhe seksi – ku qëndron problemi këtu. Turpi që ndjej është ai i të tjerëve”, thotë ajo.
Këshilla e Andreas për të gjitha vajzat që bëjnë të njëjtën punë është që të flasin dhe të tregojnë historitë e tyre.
“Kështu shoqëria do t’i pranonte më shumë”, shprehet ajo.
Burimi: Daily Mail
