Së fundmi, ka një rilindje në ripërcaktimin se çfarë nuancash kuptohet me ngjyrën “nude”. Christian Louboutin ishte i pari që zgjeroi nuancat e këpucëve me tonet e lëkurës.
Tani, Naja sjell revolucionin për fushën e saj ndoshta më të kërkuara: të reçipetave dhe të brendshmeve. Sot, marka e të brendshmeve publikon koleksionin “Nude for All”, ku përfshihen shtatë nuancat që garantohen t’i përshtaten çdo femre.
Drejtoreshës së Naja-s, Catalina Girald, i lindi fillimisht ideja ndërsa shikonte Olimpiadën 2012 dhe shikonte Gabby Douglas duke veshur këpucët ngjyrë “nude”, që nuk i përshtateshin lëkurës së saj.
“Unë kam qenë një gjimnaziste kështu që jam gjithmonë e ndjeshme për gjëra të tilla dhe ishte hera e parë që nuk ekzistonin në ngjyra të tjera”, thotë ajo. Dy vite më vonë Naja u krijua në 2014-n, por Girald i qëndroi idesë për një koleksion ekskluziv të të brendshmeve “nude”.
Girald takoi aktoren fituese të Golden Globe, Gina Rodriguez, në një event dhe ndau vizionin e saj. “Ajo tha, ‘Çfarë?! Kjo është një ide e mrekullueshme’ dhe tetë muaj më vonë kur ajo fitoi çmimin, unë e thira dhe i thash ‘Të kujtohet ideja? Pse nuk e bëjmë? Do të bëhesh partnerja ime?”. Rodriguez pranoi dhe është sot pjesë e fushatës.
Për të krijuar shtatë nuancat, Girald nisi nga makijazhet për të bërë tonet bazë. “Bleva çdo kozmetikë të mundshme”, thotë ajo. Dhe kështu që u sollën fillimisht 23 nuanca të ngjyrës së lëkurës për të brendshmet. Për t’u siguruar që i përshtatej çdo toni lëkurë, ato publikuan reklamën në mediat sociale për të sjellë femrat t’i provonin derisa të kishin nuancat më universale, shtatë.
“Nude for All” nuk siguron vetëm të brendshme për çdo lloj lëkure, por gjithashtu femra të vërteta në vend të modeleve në fushatë. Qëllimi kryesor ishte të gjendeshin femra me arritje. “Kriteri ishin “femrat që kishin thyer kornizat”. Ideja ishte të gjenim femra me histori të veçanta dhe me çdo lloj forme trupi”.
Veç Rodriguez, është një inxhinierie “software”, një balerinë, një myslimane nga Bangladeshi ë luftoi për të qenë në një martesë të rregullt dhe një studente nga “Harvard”-i.
Çmimet janë të përballueshme, me reçipeta nga 38 dollarë dhe të brendshme nga 15 dollarë dhe 17 dollarë. Çdo reçipetë vjen me një çantë për larje të brendshmesh, e bërë për femrat në nevojë nga Kolumbia.
Burimi: Elle
