Greta Koçi i është rikthyer intervistave, pas një shkëputjeje shumë të gjatë. Artistja ka qenë e ftuar mbrëmjen e sotme në “Kurthin e Piter Pan”.
Përballë fëmijëve ajo ka folur për herë të parë për martesën e saj, duke treguar më shumë detaje rreth partnerit dhe marrëdhënies së tyre.
“Kam 4 vjet që jam martuar, por nuk kam bërë dasëm. Ai është shqiptar dhe tani ne jetojmë në Amsterdam.
Ai është inxhinier softuerik, komplet fusha të ndryshme; mundohet të më shoqërojë mua gjatë koncerteve por jemi të dy shumë të zënë, gjejmë të mesmen e artë për të kaluar kohë me njeri-tjetrin.
Jemi si shokë, e mbështesim njeri-tjetrin.”
E pyetur nga fëmijët nëse do të bëj dasmë, Greta nuk dha një datë konkrete, ama u shpreh ishte në planet e saj, teksa theksoi se dasma është një moment magjik për të gjithë vajzat.
“Do më shihni njëherë si nuse, jua jap fjalën,”-përfundoi Greta.
