Qëkurse erdhi në jetë një muaj më parë, vëmendja e të gjithëve ka qenë mbi vogëlushen e çiftit Ermal Mamaqi-Amarda Toska, të cilën ata e kanë quajtur Sia.
Ndjekësit e çiftit të famshëm kanë qenë vazhdimisht në pritje të fotove apo videove të reja ku mund të shohin të voglën dhe Ami ua ka plotësuar këtë dëshirë.
Së fundmi, moderatorja e njohur, tashmë nënë e dy fëmijëve, ka postuar në Insta Story një foto të adhurueshme ku ajo shihet përkrah së bijës. Në foton në fjalë Ami shfaqet rrëzëllitëse teksa portreti i ndriçohet nga rrezet e diellit, por ajo që bie në sy është koka e vogëlushes së saj, e cila duket se kur të rritet, do të shndërrohet në një zonjushë brune me flokë të dendur, ashtu si të dy prindërit e saj.
