Më në fund ajo u rikthye! E kemi fjalën për të magjishmen Dua Lipa, këngëtaren me origjinë shqiptare e cila së fundmi ka njoftuar për këngën e saj të re.
Me titullin “Swang song” dhe me një videoklip madhështor që duket sikur të kthen pas në kohë Dua ka pohuar se na duhet të presim 14 shkurtin për ta parë të plotë.
https://www.instagram.com/p/BtBYkd2BiWo/
Kënga do të jetë pjesë e filmit “Battle Angel”.
“Kaq krenare që përfshihem në një film të tillë të pabesueshëm, me protagoniste femra. Faleminderit skuadrës Alita që e sollën në jetë këtë karakter”, shprehet këngëtarja.
Nga filmat fantastiko shkencorë të James Cameron (Avatar) dhe Robert Rodriguez (Sin City) tanimë vjen Alita. “Battle Angel”është një aventurë epike e shpresës dhe fuqizimit. Kur Alita (Rosa Salazar) zgjohet pasi ka humbur kujtesën në botën e së ardhmes, ajo nuk e njeh veten. Nën kujdesin e Idos (Christoph Waltz), një mjek i dhembshur ajo mëson zemrën dhe shpirtin e një gruaje të re me një të kaluar të jashtëzakonshme.
Çdokush duhet ta shikojë këtë film, por deri atëherë na mbetet të presim edhe pak ditë!
