Aktorja e njohur shqiptare Olta Gixhari njihet si një ndër bjondet më tërheqëse të ekranit shqiptar!
Ajo nuk ka eksperimentuar shumë me look-un e saj, duke qëndruar të bjondja në pjesën më të madhe të kohës dhe kjo edhe sepse ngjyra e saj natyrale është shumë afër bjondes.
Së fundi aktorja ka publikuar një foto ku shfaqet me flokët e palyer, rreth 21 vite më parë.
Në foton e publikuar në Instastory, Olta shfaqet me flokët e saj super të gjatë në ngjyrë mjalti. Aktorja duket tepër tërheqëse dhe me stil me atë byzylykun e vendosur në krah, ndërkohë që buzëqesh para kamerës.
Bukuroshja shqiptare është përfolur shpesh herë për pamjen e saj, madje ka pasur shpesh interes të mësohet nëse është apo jo natyrale.
Por Olta e ka shuar kuriozitetin e fansave duke thënë se nuk ka bërë asgjë në fizik apo fytyrë dhe nëse do të kishte bërë diçka, atëherë do t’i vinte turp të gënjente për një gjë të tillë, pasi do të ishte e dukshme!
