Moderatorja Elita Rudi ka zgjedhur fotot më të veçanta e fjalët më të ëmbla për t’i uruar ditëlindjen gjysmës së saj, motrës Natyra.
Në InstaStory, moderatorja ka bërë një kolazh fotosh, teksa shkruan:
“Motrat janë më të shtrenjta se gjithçka tjetër me vlerë. Je shoqja ime më e mirë dhe udhëheqësja ime e përhershme! Faleminderit që ke qenë shoqëruesja më e mirë në rrugëtimin tonë si motra! Gëzuar ditëlindjen”- janë fjalët e saj.
Çfarë na ka bërë përshtypje gjithmonë është fakti që vajzat ngjajnë kaq shumë me njëra-tjetrën, saqë duken si binjake.
Madje, Elita dhe Natyra janë aq të lidhura e të “sinkronizuara”, sa ishin gjithashtu shtatzënë në të njëjtën kohë.
Sot e vogla e Elitës dhe Gjikos, Bota, mbushi 1 muaj nga ardhja në jetë. Në rrjete sociale, moderatorja ndau një video që na emocionoi të gjithëve.
“Bota ime 1 muaj”, ka shkruar moderatorja përkrah videos së ëmbël.
Ndërkohë ditën e djeshme Elita publikoi në rrjete sociale një foto të saj, në të cilën dukej në formë perfekte trupore. Pavarësisht se shtatzënia e dytë erdhi shumë shpejt për të, Elita ka arritur t’ju kthehet sërish formave të saj trupore dhe duket në formë perfekte. Edhe pse është nënë e dy fëmijëve dhe në shtatzëninë e dytë shtoi 18 kilogramë, moderatorja ka linja trupore për t’u pasur zili.
