E keni parasysh atë momentin kur dikush të prishë idenë e fotos romantike, që kishe krijuar në mendje? Ky është rasti tipik i Klea Hutës, që nuk mundi dot të realizonte foton perfekte.
Këngëtarja ndau në Insta Story një moment shumë komik me partnerin e saj Elgit Dodën, i cili duket se nuk ka arritur të çojë deri në fund qëllimin e fotos.
Nga mimika e kantautorit kuptojmë se e ka pamundur të mbajë hopa Klean, që pranon se ka shtuar disa kilogramë.
“Epo gjithë ky peizazh. Gjithë kjo kohë e bukur. Do të bësh një foto romantike dhe befas, ai kupton që je bërë sa një derr. Më fal për mishin e këputur shpirt”, lexohet në mbishkrimin e postimit.
Ne jemi kuriozë të dimë çfarë ka ndodhur pas këtij momenti: Mos ra gjë në tokë Klea?
Çifti e kaloi të dielën jashtë zhurmës së Tiranës, por nuk tregoi vendndodhjen e saktë!
Burimi: Instagram
