Sipas njoftimit më të fundit të Operatorit të Shpërndarjes së Energjisë Elektrike ditën e sotme nga ora 9.00 deri në 14.00 si pasojë e disa punimeve, nuk do ketë energji në disa lagje të kryeqytetit.
Punimet në fjalë raportohet se po kryhen në kabinën “2 R construksion” dhe kabinën “Thanas Ziko”.
Konkretisht, lagjet në të cilat nuk do ketë energji elektrike janë: rruga “Kel Kodheli”; rruga e Kavajës; afër urës së shkollës Teknologjike pjesërisht; rruga “Thanas Ziko”; rruga “Dervish Hekali” dhe rruga “4 Dëshmorët” pjesërisht.
