Qyteti i Rrëshenit është tronditur mbrëmjen e djeshme pasi një vajzë e re i ka dhënë fund jetës duke u vetëhedhur nga kati i 11 i pallatit.
Adela Gjoka, 23 vjeçe, ishte në vitin e fundit në fakultetin e Inxhinierisë së Ndërtimit në Tiranë, ndërsa ditët e fundit kishte shkuar në familjen e saj në Rrëshen pasi ndodhej në gjendje të rënduar shëndetësore.
Stresi i provimeve dhe problemet e rënda ekonomike dyshohet se e kanë shtyrë Adelën, të vetëvritej. I ati i saj punonte si roje në pallatin ku ata banonin, pasi dhe banesën i’ua kishte falur pronari sepse nuk kishin mundësi ekonomike.
Banorët e zonës thonë se Adela kishte lidhur në sy një shami në momentin kur është hedhur nga pallati, ndërsa britmat e saj i kanë tmerruar të gjithë.
Adela njihej në qytet si vajzë korrekte, e sjellshme dhe e dashur, por me sa duket drama e varfërisë nga njëra anë, presioni i vështirësisë për t’u arsimuar nga ana tjetër e çuan drejt aktit ekstrem.
/Newsbomb
