Federata Shqiptare e Futbollit ka bërë me dije emrat e tribunave të stadiumit të ri “Air Albania”
Këshilli i Administrimit dhe Asambleja e Përgjithshme e Aksionerëve të Qendra Sportive Kuq e zi ka vendosur që Tribunat e stadiumit të marrin emrat e personaliteve të historisë dhe të futbollit Shqiptar.
Kryesorja do të quhet “Qemal Stafa” ndërsa emrat e tjera do të jenë si më poshtë:
– Tribuna qendrore do të emërtohet – Tribuna Qemal Stafa.
– Tribuna Lindore(Ballore) do të emërtohet – Tribuna Panajot Pano.
– Tribuna Veriore do të emërtohet Tribuna Fatmir Frashëri.
– Tribuna Jugore do të emërtohet Tribuna Vasillaq Zëri.
Dje u nënshkrua kontrata e sponsorizimit mes palëve Qendra Sportive Kuq e zi dhe Air Albania, sipas të cilës kompania ajrore Air Albania do të ketë të drejtën e vënies së emrit.
Pra që nga sot e deri në përfundim të kontratës 5-vjecare stadiumi do të quhet “Air Albania Stadium”.
