Kalo te përmbajtja
ICONSTYLE
Celebrity

Mbretëresha Elizabeth në zi: “Kjo ishte humbja më e rëndë për të pas 74 vitesh!”

Burimi: IconStyle Përgjegjësia editoriale: E Hoxha
Mbretëresha Elizabeth në zi: “Kjo ishte humbja më e rëndë për të pas 74 vitesh!”

Qeni i preferuar i Mbretëreshës Elizabeth, Whisper, të cilin e kishte adoptuar në 2016-n, është ndarë nga jeta.

Mbretëresha është detyruar t’i thotë ‘lamtumirë’ Whisper-it, qenit të saj, i cili ishte 12 vjeç.

Lexo edhe :

Whisper ishte ekzemplari i fundit i racës corgi, aq shumë të dashur për sovranen. Gjithsesi, për t’i bërë shoqëri, mbeten edhe dy qen: Candy e Vulcan, të cilët janë rraca të miksuara nga kryqëzimi i corgi-t me bassotto-n.

Sipas “Daily Mail”, pas vdekjes së Willow, 12-vjeçari Whisper ishte kthyer në të preferuarin e mbretëreshës.

Ajo e kishte trashëguar qenin në 2016-n nga Bill Fenwick, ish-mbikqyrësi i gjuetisë së Sandringham, kur vdiq.

“Vitet e fundit, mbretëresha dhe Whisper ishin lidhur aq shumë, saqë qeni e ndiqte edhe nëpër dhoma”, ka thënë një burim pranë Buckingham Palace.

“Sa herë ngordh një corgi, për mbretëreshën është një goditje e rëndë.”

Whisper ngordhi në kështjellën e Windsor, pasi u sëmur disa javë më parë. Nuk u mor vesh sëmundja që shkaktoi ngordhjen e tij.

Por, mbretëresha ka humbur shumë corgi për shkak të kancerit, sëmundje nga e cila ngordhi edhe Willow, të cilin sovrania vendosi ta ‘vërë në gjumë’ për të mos e parë më që vuante.

Qenin e parë të racës corgi, Mbretëresha e ka pasur kur ishte 18 vjeçe në 1944-n, dhe të fundit e humbi 74 vite më pas.

Vazhdo leximin