Kanë mbërritur sot në spitalin Infektiv mjekët e ardhur nga Italia në shërbim të ekipeve mjekësore në Shqipëri për përballimin e situatës së Covid-19.
Shteti fqinj ka dërguar 6 mjekë dhe një infermiere e për të na kthyer nderin e disa muajve më parë. Në ambientet e jashtme të spitalit mjekët janë fotografuar të pajisur me maska.
Ata do të ndihmojë me qëllim formimin e veçantë të homologëve shqiptarë për çështje që kanë të bëjnë me aspektin shëndetësor specifik në diagnostikimin dhe luftën ndaj Covid.
Kujtojmë se më 30 mars një grup prej 10 mjekësh dhe 20 infermierësh u nis drejt Italisë për tu ardhur në ndihmë kolegëve talianë që po kalojnë ditë të vështira, teksa mbi 60 prej tyre kanë humbur jetën dhe mijëra ta tjerë janë infektuar.
Mbërritja e tyre në shtetin fqinj shkaktoi një entuziazëm të madh, teksa fjalimi i kryeministrit Rama pushtoi mediat italiane.
Mjekët shqiptarë që mbërritën në Brescia për të luftuar me COVID-19 kanë një moshë mesatare rreth 27 vjeç dhe pasi iu nënshtruan provimit nga spitali, nisën punën.
/Gazetareforma.com
