Liga e Kampionëve ka nisur javën e saj të dytë këtë të martë, me katër ekipe që zbritën në fushë në orën 18:45. Një udhëtim i gjatë në Azi nuk e pengoi Real Madridin të tregonte superioritetin e tij, teksa “Los Blancos” shënuan një fitore të thellë 0-5 ndaj debutuesve Kairat Almaty.
Ylli francez Kylian Mbappe ishte protagonist absolut, duke realizuar tripletën e tij në minutat 25’, 52’ dhe 74’. Golat e tjerë të takimit u shënuan nga Eduardo Camavinga në minutën e 83’ dhe Brahim Diaz në kohën shtesë, duke vulosur rezultatin. Me këtë performancë, Mbappe ka shkuar në 14 gola me fanellën e Real Madridit në vetëm 9 ndeshje këtë sezon në të gjitha kompeticionet.
Në një tjetër përballje të mbrëmjes, Atalanta priti belgët e Club Brugge në Bergamo, duke kërkuar hakmarrje pas eliminimit nga Championsi një vit më parë. Miqtë e nisën më mirë ndeshjen, duke kaluar në avantazh në minutën e 38’ me golin e Tzolis. Barazimi erdhi në minutën e 74’, kur Samardzic realizoi penalltinë, ndërsa Pasalic shënoi golin e përmbysjes në minutën e 87’, duke i dhuruar tri pikët e para bergamaskëve.
Rezultatet e ndeshjeve:
- Kairat Almaty 0-5 Real Madrid – Mbappe 25’, 52’, 74’, Camavinga 83’, Diaz 90+3′
- Atalanta 2-1 Club Brugge – Samardzic 74’, Pasalic 87’ / Tzolis 38’
Me këto fitore, Real Madrid dhe Atalanta sigurojnë një start të fuqishëm në fazën e grupeve të Champions League.
