Shikoni duart tuaja. Çfarë vini re? Nëse përgjigjja juaj është “vetëm duart e mia”, kërkoni një refleksolog.
Ata do t’ju tregojnë se duart kanë pika të shumta aktive që ju japin fuqi mbi trupin dhe mendjen tuaj.
Më poshtë mund të shihni se çfarë mund të bëni me secilin prej gishtave tuaj.
Gishti i madh
Është përgjegjës për ankthin dhe dhimbjen e kokës. Nëse jeni duke përjetuar një dhimbje koke nervore, masazhoni butësisht gishtin tuaj për rreth 5 minuta dhe kjo do të lehtësojë dhimbjen.
Gishti tregues
Kontrollon dhimbjet e muskujve, si dhe ndjenjat e zhgënjimit, frikës dhe sikletit. Siç tregohet nga studimet e Universitetit të Minesotës, pacientët me dhimbje të muskujve ndjehen më mirë pas një terapie refleksike. Kapni gishtin tregues me dorën tuaj tjetër për 5 minuta.
Gishti i mesëm
Shtypja e gishtit të mesëm ndihmon nëse ndiheni i mërzitur, i zemëruar ose më i lodhur se zakonisht. Studimet tregojnë se një ushtrim i tillë ul presionin e gjakut dhe ju qetëson.
Gishti i unazës
Emocionet negative dhe trishtimi do të zhduken nëse ju e shtrëngoni gishtin për 5 minuta. Mos harroni të mbani qetësi dhe të shikoni frymëmarrjen tuaj.
Gishti i vogël
Gishti i vogël është përgjegjës për vetëbesimin, stresin dhe nervozizmin. Nëse jeni të prirur të ulni vlerën tuaj, ju duhet të mendoni me të vërtetë për masazhin 5 minutësh. Mundohuni të mendoni për diçka të këndshme duke bërë masazhin.
Pëllëmba
Shtypni me gishtat e një dore pëllëmbën tjetër. Masazhojeni atë në lëvizje rrethore. Refleksologët thonë se pëllëmba është qendra e ndjenjave dhe emocioneve tuaja. Hulumtimet tregojnë se masazhimi i rregullt i duarve tuaja ndihmon në parandalimin e përzierjes, stresit, diarresë dhe kapsllëkut.
Pëllëmbët që shtyjnë njëri-tjetrin
Ky qëndrim përdoret shpesh në meditim. Kjo ju ndihmon të përqendroheni dhe të vendosni mendimet tuaja në rregull. Duke shtypur pëllëmbët tuaja së bashku ju mund të përmirësoni qarkullimin tuaj të gjakut.
Surya Mudra
Kjo metodë e quajtur Surya Mudra do t’ju ndihmojë të përmirësoni tretjen dhe metabolizmin tuaj. Teknika përdoret gjithashtu për temperaturë të ulët të gjakut dhe humbje të oreksit.
Burimi: Brightside.me
