Një nga shqetësimet më të mëdha të femrave janë rrudhat. Tani përveç trajtimeve të shtrenjta estetike dhe kremrave anti-rrudhë, ju mund të përgatisni në shtëpi maska të ndryshme që ju vinë në ndihmë për këtë qëllim.
Provoni maskën që ka si bazë kakaon dhe avokadon. Kakao ndihmon në parandalimin e rrudhave për shkak të sasisë së lartë të antioksiduesve, duke i dhënë lëkurës suaj freski, shkëlqim dhe hidratim. Po ashtu, mbron lëkurën nga infeksionet bakteriale dhe virale. Nga ana tjetër, edhe avokado është i njohur për vlerat e tij ushqyese për lëkurën.
Përbërësit për përgatitjen e maskës:
1 avokado
2 lugë gjelle kakao pluhur
2 lugë çaji mjaltë
1 lugë çaji kanellë
Përgatitja:
Fillimisht qëroni avokadon dhe e vendosni në një enë. Copëtojeni me një pirun dhe pastaj shtoni ingredientët e tjerë. Mund të përdorni shtrydhësen ose një grirëse. Përzieni ingredientët derisa të formohet një pastë e lëngshme. Aplikojeni këtë maskë në fytyrë dy herë në javë.
