Shumë shqiptarë kanë arritur të bëhen persona publik përtej kufijve, falë aftësive të tyre. Ndoshta disa prej jush nuk kanë dëgjuar për shqiptaren 31-vjeçare Masiela Lusha, e cila jeton në SHBA dhe ka krijuar një karrierë si aktore, shkrimtare, filantrope dhe producente.
Ajo emigroi për në Michigan, SHBA në moshën 7-vjeçare. Kur ishte 15 vjeç ajo u shpërngul në Kaliforni në kolegjin Glendale dhe më pas në UCLA, për t’u diplomuar si shkrimtare kreative.
Karriera e saj si shkrimtare lulëzoi që në kohën kur ajo vazhdonte gjimnazin pasi në atë kohë publikoi 2 libra dhe për këtë ka marrë dhe njohje publike nga ish-presidenti Bill Clinton.
Masiela në profilizimin e saj si aktore ka marrë njohje nga publiku amerikan pasi ka ndarë skena me aktore të famshme të Hollywood-it si Hillary Duff dhe ka luajtur rolin protagonistes Carmen Lopez në serialin e komedianit George Lopez.
Shqiptarja sapo është emëruar ambasadore në “Organizatën e Bamirësisë” së princit Harry (Sentebale). Ajo ka udhëtuar gjithashtu në Afrikë dhe ka parë me sytë e saj vështirësitë që kalojnë fëmijët jetimë në atë vend.
“Kapni çdo mundësi që ju vjen në çdo perspektivë. Mund t’ia dilni”, shprehet ajo.
Shqiptarja gjithashtu ka marrë pjesë te filmat “Sharon in Blood: The Last Vampire”, “Kill Katie Malone” dhe “Dragonfyre”.
