Kemi parë së fundmi duke filluar nga personazhet e njohur , nga celebrities , të huaj , te ata shqiptare përqafimin e një trendi, që lidhet me artin e trupit. Pavarësisht se ndikimi mund të jetë nga të huajt ose nga kultura indiane, tatuazhet e njohur si “UV henna” janë rikthyer sërish në trend.
Një frymëzim nga Lindja e Mesme, që po evoluon nga tatuazhet tradicionale, te bardha dhe me ngjyra të ndryshme, deri tek ato ultravioletë sot.
Tatuazhet “UV henna” nuk janë asgjë tjetër veçse tatuazhe me bojë trupi UV, që bëhet me të njëjtën teknikë si ajo tradicionalja. Në ndryshim nga ato me bojë henna (e cila zgjat 2 javë) dhe ajo e bardhë (e cila zgjat disa ditë), “UV henna” mund të hiqen me një të larë.
Enca u shfaq në videoklipin e këngës së saj “Call me Goddess” me një tatuazh “henna”, në të dyja duart.
Ndërsa ne na vjen ndër mend kënga e Elvana Gjatës me Fugaa-n, “Mamani nejen”, ku dy këngëtarët u shfaqën gjatë videoklipit me tatuazhet e shëndritshme. Këngëtaret kishin zgjedhur këtë risi për klipin e tyre të 2010-s, por që tani e rikthen në trend koha.
Megjithëse nuk është parë ende në masë nga të famshmit shqiptarë, është një tendencë që po përhapet shumë nëpër rrjetet sociale.
E përse jo? Vera po afron edhe tatuazhet UV janë një mënyrë shumë e mirë për t’u dalluar nga turma.
Burimi: Iconstyle.al
