Ditën e djeshme dhe ditën e sotme këngëtarja e njohur Loredana e cila është partnerja e reperit Mozzik me të cilin ka edhe një vajzë të quajtur Hana, ka qenë në qendër të mediave shqiptare, dhe jo vetëm.
Loredana Zefi u arrestua nga autoritetet zvicerane në qytetin Lucerne, pasi u akuzua se ka kanosur dhe mashtruar një çift zviceran duke i zhvatur rreth një milion franga bashkë me të vëllanë. Mirëpo pas disa orësh ajo është liruar dhe ende gjithçka është shumë e turbullt.
Sot një tjetër histori aspak e këndshme ka dalë në pah, ku sërish protagonistja kryesore është reperja.
Ish-shoqja e Loredanës, fotografja shqiptare nga Gjermania, Dorentina V., kishte denoncuar në gusht të vitit 2017-të, reperen së bashku me vëllanë e saj Qëndrimin, për mashtrim, (kronologjinë e plotë të ngjarjes lexojeni këtu).
Para gjithë këtyre fakteve të cilat po i përplasen në fytyrë Loredanës, ajo nuk ka reaguar dhe ka qëndruar në heshtje.
I vetmi veprim që ajo ka bërë së bashku me Mozzik ka qenë bllokimi i komenteve në postimet përkatëse në Instagram.
Ndërkohë po ditën e sotme është bërë publike një foto e çiftit në aeroportin e Bazelit ku duken të dy shumë të mërzitur.
Siç mund t’i shikoni edhe në foton e bërë publike nga “Ballkani.info”, ata shfaqen kokulur dhe të dëshpëruar, ndërkohë thuhet se dyshja do kthehet në Kosovë.
