Karma?! E quajti Fifin ‘fuçi uthulle’, aktorja shëndoshet ‘keq fare’

Ndërsa Fifi është më e vendosur se kurrë të bjerë në peshë (lexo këtu), aktorja që dikur e quajti “buallicë” dhe “fuçi uthulle”, ka shtuar kile dhe nuk duket aspak e lumtur për këtë.

Anna Lika iu rikthye përsëri debatit të vitit të kaluar me Fifin, duke thënë se thjesht kishte shprehur mendimin e saj, mendim i cili nuk është më i njëjti.

“Nuk pata asgjë. Thjesht thashë mendimin tim asokohe. Mirëpo tani, ngaqë jam shëndoshur vetë…”, u shpreh aktorja e skeçeve të “Mos i fol shoferit”, e ftuar në studion e “MCN Urgjenca”.

“Jam bërë keq fare, jam bërë keq!”

E pyetur nga Ronaldo Sharka nëse mendon se e kanë zënë “mallkimet e Fifit”, Ana u shpreh shumë më pozitive sesa deklaratat e vitit të kaluar:

“Nuk besoj se më ka mallkuar, Fifi në vetvete nuk është vajzë e keqe.”

Vitin e kaluar, Ana e quajti Fifin “fuçi uthulle” dhe “buallicë” në një intervistë për “Pop Sugar” (shiko këtu) dhe ndër të tjera tha se kantautorja bën sherr me njerëzit sepse “nuk e llogarisin”.

“Më mirë mos të lodhet që ti humbi ato kile se nuk është se do i humbi se është gjenetike”, u shpreh Ana.

Pak ditë më parë Fifi zbuloi se ka realizuar një ndërhyrje, duke futur në stomakun e saj “balonin gastrik”, një top i cili bën të mundur konsumimin e ushqimit në sasi më të vogla.

Ai qëndron në stomak për 6 muaj deri në një vit, por duhet të shoqërohet me një regjim të rreptë ushqimor.