Kryeministri Edi Rama ka dhënë një lajm të mirë sot për uljen e numrit të shtrimeve në spitalet Covid 1 dhe 2.
Përmes një statusi në Facebook, ai shprehet se kemi pasur rënie graduale të shtrimeve në mjediset spitalore gjë që tregon se duhet të vahdojmë kështu, me durim për të dalë fitimtarë.
Statusi i kryeministrit:
SHUMË E RËNDËSISHME: FALË MASAVE TË SHPEJTA E TË FORTA DHE REZISTENCËS SUAJ TË SHKËLQYER, 10 DITËT E FUNDIT KEMI RËNIE GRADUALE TË SHTRIMEVE NË MJEDISET SPITALORE COVID?
*Ky tregues që e has shumë pak, për të mos thënë fare në vendet e tjera nën agresion, ku mbingarkesa e spitaleve po vjen si haraç për vonesat në marrjen e masave, na thotë qartë se e para, po bëjmë gjënë e duhur; e dyta, duhet të vazhdojmë kështu, me durim të madh, sepse armikun e kemi pas çdo porte; e treta; po vazhduam kështu do të dalim më shpejt fitimtarë se shumë të tjerë, më të mirë, më të fortë dhe me kokën lart përpara brezave që vijnë nga kjo sfidë historike?
