Masakra e Selenicës nuk tronditi vetëm mbarë opinionin shqiptar, por tërhoqi edhe vëmendjen e mediave ndërkombëtare.
“Daily Mail”, “TgCom24”, “Washington Post”, “Yahoo”, “NyTimes”, “Abc News”, si dhe mediat e Lindjes si, “Kashmir”, “Xinhuanet”, “IndianExpress”, etj. shkruan për ekzekutimin që iu bë dy familjeve Zykaj nga kushëriri i tyre.
“TgCom24” shkruan se një familje është zhdukur me plumba kallashnikovi në një fshat të Vlorës.
Ndërsa mediat e tjera raportojnë: “Një 24-vjeçar nga Shqipëria vret 8 anëtarë të familjes së tij”.
Ridvan Zykaj vrau dje për motive banale 8 persona, të gjithë të afërm të tij, dy prej të cilëve të mitur. Pas ngjarjes vrasësi u arratis dhe u kap mëngjesin e sotëm pas rreth 12 orësh arrati.
