Një intervistë në emisionin “Dekalog” të Roland Qafokut mjaftoi që deputeti demokrat Ervin Salianji të kthehej në kryefjalë të rrjeteve sociale. Arsyeja? Për herë të parë, ai foli hapur për lidhjen e tij me Grida Dumën, një nga figurat më të spikatura të skenës politike dhe mediatike shqiptare.
Në rrëfimin e tij, Salianji u ndal te periudha më e vështirë e jetës, burgu. Ai nuk ngurroi të përmendte rolin e rëndësishëm të Dumas në ato ditë:
“Ka qenë gjithmonë mbështetëse dhe e pranishme. Më ka vizituar shpesh në burg,” u shpreh ai, duke treguar një anë më personale të marrëdhënies së tyre.
Megjithatë, pyetja mbi të ardhmen dhe kurorëzimin e lidhjes nuk mungoi. Deputeti, i njohur për diskrecionin e tij, zgjodhi të mos japë detaje:
“Nuk është momenti për këtë. Do të ketë kohë e vende të tjera ku do të flasim gjatë e gjerë. Unë nuk e kam përfshirë kurrë jetën time personale në publik,” u shpreh ai.
Deklaratat e tij kanë ngjallur reagime të shumta, duke e bërë këtë intervistë një nga më të komentuara të ditëve të fundit, sidomos për faktin se konfirmimi i marrëdhënies me Grida Dumën ishte pritur prej kohësh në publik.
Nga ana tjeter, Grida nuk ka folur per lidhjen e tyre.
