Sezoni i ri i emisionit politik “Top Story” u çel mbremjen e kaluar në ekranin e Top Channel, nën drejtimin e moderatores dhe ish-politikanes Grida Duma. Mes diskutimeve për verën politike të tensionuar dhe sfidat e pazgjidhura që vijojnë të karakterizojnë jetën institucionale në vend, një moment i veçantë spikati në nisje të programit: përshëndetja e Ervin Salianjit ndaj moderatores.
Deputeti demokrat, i ftuar në panelin e mbrëmjes, e nisi ndërhyrjen e tij me një koment personal ndaj Grida Dumës, duke e cilësuar atë si “kënaqësia ime e përjetshme”, një frazë që menjëherë tërhoqi vëmendjen si në studio, ashtu edhe në rrjete sociale.
Kjo deklaratë, e cila doli përtej toneve të zakonshme të debatit politik, u interpretua nga disa si një shprehje simpatike me nuanca personale, ndërsa nga të tjerë si një tentativë për të lehtësuar atmosferën në një debat të ngarkuar politikisht. Ashtu sikurse perflitet ne rrjet, Salianji dhe Duma prej vitesh kane nje raport sentimental bashke.
Përtej këtij momenti, emisioni trajtoi çështje të thella që kanë dominuar skenën politike gjatë verës, nga përqendrimi i pushtetit në një pol të vetëm, tek sfidat e decentralizimit dhe ndërtimet pa leje.
Në panel, përveç Salianjit, morën pjesë edhe analisti Lorenc Vangjeli, gazetarja Anila Basha, kandidati për kryetar bashkie Ilir Alimehmeti dhe gazetari Aulon Kalaja.
