Gjykata e Shkallës së Parë të Rrethit Gjyqësor Fier ka liruar nga qelia ish deputetin e PD, Ervin Salianji.
Seanca nisi në orën 11:00 të ditës së sotme. Trupi gjykues i përbërë nga gjyqtari Noel Veizi dhe prokurori Genci Mane shqyrtoi raportin e Shërbimit të Provës.
Burime nga brenda seancës bëjnë me dije se raporti i shërbimit të provës ka rezultuar pozitiv, ndërsa prokurori ka dhënë dakordësinë për lirimin e tij. Salianji ndodhet në vuajtje të dënimit prej tetorit 2024, pas vendimit të Gjykatës së Apelit që la në fuqi dënimin me 1 vit burg për kallëzim të rremë.
