Ditën e sotme reperi Getoar Selimi feston ditëlindjen.
Këtë ditë speciale ai ka zgjedhur ta festojë pranë bashkëshortes së tij, Marina Vjollca në një vend ekzotik, në të cilin ndodhet prej disa ditësh.
Ai po feston në Antigua dhe shpesh ndan në rrjetet sociale imazhe të cilat na bëjnë zili të gjithëve.
Që në orët e para të ditëlindjes reperi ka marrë urime të shumta nga miqtë dhe fansat e tij, por më i bukuri është ai i Marinës.
Bukuroshja ka zgjedhur të urojë partnerin e saj nëpërmjet një fotoje super romantike të publikuar në Instagram.
Në foton e shkëputur nga pushimet, ata duken mjaft të dashuruar teksa përqafohen për të shijuar perëndimin e diellit.
“Gëzuar ditëlindjen dashuria e jetës sime. Burri im, shoku im, gjithçka e imja. Ti je bota për mua”,- shkruan Marina.
Por a e dini sa vjeç bën reperi ditën e sotme? Getoar Selimi ka lindur më 3 korrik të vitit 1982 dhe mbush 37 vjeç. Ndërkohë në muajin maj Marina festoi 29-vjetorin e lindjes dhe mes çiftit ka një diferencë moshe prej 8 vitesh.
Kujtojmë se edhe vitin e kaluar dyshja udhëtoi drejt një tjetër destinacioni mjaft të pëlqyer, atë të Sardenjës.
