Menjëherë pas mbarimit të dasmës, Marina iu rikthye punës. Ndërsa të gjithë prisnim të zbulonim vendin ku do të shkonte çifti i sapomartuar për Muaj Mjalti, ata na dëshmuan se nuk do të ketë pushime. Tashmë moderatorja ka folur për herë të parë për ditën më të rëndësishme të jetës së saj.
Gjatë një interviste të shkurtër për “Jo vetëm modë”, Marina është shprehur se është kënaqur shumë. Ajo tregoi se është përpjekur që një ditë të tillë ta mbante shumë private, por nuk ndodhi kështu.
“Bëra shumë qejf në dasmë. Mos më bëj asnjë pyetje, vetëm më uro dhe të iki se jam vonë dhe kam mbledhje, fillon sezoni. Është e vërtetë kam kaluar në “Klan”. Kemi bërë shumë Muaj Mjalti, por nëse do bëjmë tjetër kjo është varësi të punës, sapo të kap një ditë pushim do ikim, do arratisemi kështu siç e kemi zakon”, u shpreh Marina.
Përveç dasmës së saj, edhe lajmi për largimin nga “Top Channel” ka pushtuar prej ditësh mediat rozë, dhe më në fund Marina ka vendosur të tregojë diçka më shumë për të.
Nuk do të ketë lidhje aspak me sportin, siç jemi mësuar ne ta shohim, por do të jetë një emision muzikor, për të cilën rrëfen se ka ndikuar pak edhe bashkëshorti i saj Getoari.
“Lajme kanë dalë plot por unë s’do të them asgjë deri në momentin që ne do të shfaqemi në ekran, nuk do të them absolutisht asgjë. Por, ty po të them ekskluzivisht që do të jetë një spektakël muzikor me përmasa të mëdha. Është ndryshim i fortë nga sporti tek muzika, edhe Geti ka ndikuar, të gjithë bashkë kanë bërë që unë të dal ndryshe”, tha ajo.
Lidhur me largimin nga “Top Channel” Marina u shpreh se nuk ka asgjë personale, por vetëm profesionale:
“Besoj se çdo njeri në çdo fushë të jetës ka një cikël të vetin dhe unë besoj se përfundova një cikël dhe do të nis një tjetër”, shtoi moderatorja.
