Marc Anthony është ndarë nga gruaja e tij, me të cilën u martua dy vite më parë. TMZ raportoi se muzikanti latin i ka dhënë fund marrëdhënies me modelen nga Venezuela, 28-vjeçaren Shannon De Lima.
Lajmi vjen vetëm një ditë pasi 48-vjeçari bëri një puthje shumë pasionante me ish-bashkëshorten e tij, Jennifer Lopez, 47-vjeçare, në skenë në ceremoninë e “Latin Grammys” në Las Vegas, ku performuan një duet.
Pas puthjes, Anthony hodhi poshtë çdo romancë të mundshme, ndërsa publikoi në “Instagram” foto duke puthur miqtë në avionin e tij privat. Këngëtari duket se donte të tregonte se ai i puth të gjithë në buzë.
Burimi tha për TMZ se, ai “ndjeu presionin e shoqërisë” për të puthur JLo-n, pasi turma po bërtiste “puthje”. Por pavarësisht kësaj vazhdojnë fjalët se dyshja mund të jenë duke u kthyer bashkë. Menaxheri i Jennifer tha për TMZ, se “absolutisht, është 100% e sigurt që nuk do të kthehen bashkë”.
Burimi: Daily Mail
