Reperi Majk ka bërë disa deklarata “bombë”, gjatë emisionit “Zemër Luana”, ku në një lojë të zhvilluar atij iu drejtuan disa pyetje përgjigjet e të cilave ai duhet t’i jepte duke zgjedhur një artist.
Majk është pyetur se cili është një artist që duhet të mbledhë rrobat dhe të largohet nga ‘Rap’ dhe nuk ka ngurruar të gjuajë në drejtim të Don Xhon. Edhe njëherë Majk e tregoi se inati i vjetër nuk i ka dalë ende me Don Xhon, ndonëse ai gjatë sfidës tregoi se ka hequr dorë nga diss-et dhe nuk bën më të tilla.
Njëherë e një kohë rikujtojmë se diss-et mes dy reperëve u bënë shumë të njohura.
Një ndër pyetjet për Majk ishte gjithashtu: “Cili prej këtyre artistëve kopjon më shumë?”
Reperi hezitoi të përgjigjej në fillim dhe zgjodhi të gjuante një personazh e sipas tij, Noizy ishte artisti në tabelë që kopjon më shumë. Nuk dihet marrëdhënia mes dyshes, por si duket Majk “i trazoi ujrat” me këtë lëvizje.
Duke u pyetur se cilin artist cilësonte si më pak të talentuar, reperi ka zgjedhur pikërisht Taynën.
Rikujtojmë se pak vite më parë, Tayna ka cilësuar Majk si një ndër artistët “e rënë nga fiku”, që do të thotë se karriera e tij nuk kishte shkuar siç duhej. Sonte, pikërisht në këtë lojë, Majk ka vendosur t’i japë Taynës një kundërpërgjigje.
Në këtë sfidë ‘Paintball’, ku duhej t’u përgjigjej pyetjeve duke qëlluar me armën me bojë në fotot e tyre, Majk ka zbuluar se ka një hatërmbetje me Capital T. Ndonëse kjo ka qenë diçka që nuk është bërë publike, duket se marrëdhënia e tyre nuk qenka miqësore.
Megjithatë, Majk ka vendosur të mos japë detaje nga kjo marrëdhënie e tensionuar.
Pyetjes, se cilin prej artistëve në tabelë nuk do e krahasonte me veten e tij, Majk iu përgjigj duke qëlluar Dafinën, duke e justifikuar se ajo është femër, kështu që nuk mund të krahasohet me Majk. Por theksojmë se në tabelë kanë qenë dhe vajza të tjera, si Era Istrefi apo Tayna.
Një ndër pyetjet që i ka bërë kapiteni kundërshtar, Olsi Bylyku, ishte: “Cili mendon se është artist i mbivlerësuar?”
Ndonëse Majk ka ngurruar paksa, duke thënë se të gjithë e meritojnë famën që kanë, në fund i është dashur të bëjë një zgjedhje. Ai zgjodhi Ylli Limanin, duke e quajtur kështu një artist të mbivlerësuar.
