Aktori i humorit Agron Llakaj ka një lidhje shumë të veçantë me mbesën e tij Adean, e cila e shoqëron në punë e në shtëpi gjyshin e saj. Por Adea nuk do të jetë lumturia e vetme e tij, pasi Agroni është bërë sot gjysh për herë të dytë.
Në profilin tij në “Facebook”, Goni emocionon me fjalët që i dedikon vogëlushit të sapolindur, të cilin e kanë pagëzuar me emrin Teos.
‘Të dua sa qielli e sa toka’! Një këngë ninulle djepi që ja këndoja sime bije kur erdhi në këtë botë… Dhe asaj i pëlqente shumë… Dhe tim biri ja këndova… Dhe atij shumë i pëlqente…. E pas shumë vjetësh Zoti më solli një princeshë, Adean… Edhe kësaj ja këndova, shumë i pëlqente dhe kësaj…. E sot po e rikëndoj duke të mbajtur ty në krahët e mi, Teos… I ëmbli dhe i miri i gjysh Gonit! Mirë se erdhe mes nesh bir… Je i rrethuar me një mal dashurie! Zot! Faleminderit që na e zbukurove jetën!❤❤❤❤” – shkruan aktori Agron Llakaj, ku shpreh lumturinë e madhe për gëzimin që i është shtuar familjes.
