Dy ditë pas ndarjes nga jeta e Ariela Muratit, me lule dhe fotografi në duar, studentët e Juridikut marshuan në përkujtim të 21-vjeçares.
Marshimi në homazh të studentes, që u qëllua për vdekje nga ish-i dashuri i saj, Aldison Belulaj, nisi nga Fakulteti i Drejtësisë.
Ata përshkuan të gjithë rrugën në këmbë deri në vendin ku u vra Ariela, në trotuarin pranë Universitetit të Mjekësisë.
Ariela Murati ishte studente e vitit të tretë te Fakulteti i Drejtësisë. 21-vjeçarja u përcoll një ditë më parë në banesën e fundit mes dhimbjes dhe lotëve të familjarëve, të afërmve dhe miqve të saj.
