Luana Vjollca ka nisur pushimet shumë larg Tiranës, para se të bëjë publike projektet e saj të mëdha, për të cilat ka punuar këto kohë, që prej përfundimit të emisionit “Shiko Kush Luan”.
Dje “Iconstyle.al” zbuloi se moderatorja shqiptare ndodhet në Itali, pikërisht në Rapallo, në plazhin e Ligurias dhe që ndodhet shumë pranë Portofino-s.
Por bukuroshja shqiptare nuk është vetëm, pasi sot reperi Getoar Selimi zbuloi se ndodhet në të njëjtin vend, me siguri bashkë me bashkëshorten Marina Vjollca.
Tashmë është bërë traditë që çiftet Luana-Krenar dhe Getoar-Marina, t’i kalojnë bashkë pushimet. Por teksa Marina ka publikuar një foto që besohet se është bërë brenda ambientit luksoz ku po qëndrojnë, Krenari ende nuk ka dhënë asnjë shenjë që ndodhet bashkë me ta.
Rapallo është një nga vendpushimet më të dashura për turistët e huaj, me shëtitoret me palma, me ndërtesat me ngjyra, detin e kaltër, sfondin e gjelbër malor, hotelet elegante dhe vilat e ngjyrosura me nuancat pastel. Ndërsa përballë qytezës qëndrojnë jahtet dhe kështjella e shekullit të 16-të.
“Iconstyle.al” zbuloi dje edhe vendqëndrimin e Luana Vjollcës, hotelin me 5 yje “Excelsior Palace”. Ai ndodhet pikërisht në pozicionin ku ka realizuar edhe foton, teksa asaj i ofrohet një pamje mahnitëse nga të gjitha anët e rrethuar nga deti.
