Aktorja e njohur amerikane America Ferrera vetëm pak orë më parë njoftoi në Instagram lindjen e djalit të saj.Sebastian Piers Williams është emri që ajo dhe bashkëshorti i saj Ryan Piers Williams kanë vendosur për të birin.
Ndërsa fotoja ka aktorja ka publikuar mund të themi që është fotoja më e ëmbël e momentit që qarkullon në rrjetet sociale.
Dy duart e prindërve dhe këmba e foshnjës së sapolindur ishte fotoja që America vendosi t’i tregonte ndjekësve ardhjen në jetë të të birit.
“Kur nga 2 bëhen 3 … Mirë se erdhe në jetë Sebastian Piers Williams – aka Baz! Mami, babi dhe fëmija janë të lumtur, të shëndetshëm dhe tërësisht në dashuri!” – shkruante Ferrera në postimin e saj në Instagram.
Ylli i “Sisterhood of the Traveling Pants” bashkë me partnerin e saj bënë publike shtatzëninë e aktores në prag të Vitit të Ri me një postim të veçantë në Instagram: “Ne po presim një fytyrë tjetër për të puthur në vitin 2018! Më shumë puthje në vitin e ri! “- thoshte postimi i America-s.
