Lori Hoxha trashëgimtarja e “Top Medias” dhe fashionista shqiptare njihet që ndjek gjithmonë trendet më të fundit, jo vetëm të veshjeve, por së fundmi edhe atë të mos fshehjes së atyre që etiketohen si “defekte” të trupit .
Sot Lori ka postuar në Instagram një foto me rroba banje ku ka nxjerrë në pah format e hatashme fizike, e shtrirë buzë detit në Maldive.
Në foton e sapopostuar kanë rënë në sy strijat në pjesën e kofshëve, që Lori nuk ka dashur t’i fshehë. Ky detaj ka tërhequr vëmendjen e ndjekësve, të cilët vërshuan me komentet e tyre.
Disa prej tyre e pritën pozitivisht qëndrimin e saj dhe u treguan mjaft mbështetës duke i thënë se ajo është e bukur sido që të jetë. Ndërkohë kishte edhe një serë komentesh në të cilat thuhej se nuk e prisnin këtë nga ajo, se ajo duhet të jetë perfekte me luksin që e rrethon etj.
