Prej disa javësh, mediat po zienin nga lajmi se Mozzik dhe Loredana Zefi nuk ishin më bashkë.
Prej kohësh ata nuk ishin parë në shoqërinë e njëri-tjetrit, nuk publikonin më foto të dy, madje as nuk i festuan ditëlindjet e tyre së bashku.
Të gjitha dyshimeve i ka dhënë fund vetë Loredana pak më parë, duke treguar nëpërmjet një statusi të gjatë se ajo dhe Mozzik kishin vendosur të ndaheshin.
Për këtë arsye, ajo do ta realizojë e vetme turin e vitit 2020, i cili ishte parashikuar të bëhej së bashku me Mozzik.
Në statusin e saj, reperja shkruan se tashmë është një nënë beqare, e cila duhet të punojë shumë për të mbajtur fëmijën e saj.
View this post on Instagram
“Për të gjithë fansat e mi, siç ndoshta e keni vënë re tashmë, unë dhe Mozzik nuk jemi më bashkë. Arsyeja është ajo që shumë prej jush keni menduar. Kemi vendosur të marrim pak pushim si në çështjet profesionale ashtu dhe në ato private… Midis të dyve vendosëm që turin Bonnie & Clyde ta realizoj vetëm. Na duhet kjo distancë që të gjejmë veten e ndoshta në një të ardhme të gjejmë njëri-tjetrin sërish. Këtej e tutje do të jem një nënë beqare dhe do të punoj akoma edhe më shumë. Të gjithë artistët që thonë se ‘live është tepër e lodhshme’, jam e sigurt që nuk ju duhet të ndrroni pelena para performancës. Ju premtoj se do të bëj më të mirën time. Gjithçka që më duhet është Hana dhe ju! Ju falenderoj për mbështetjen! Turneu do të jetë çmenduri! E futar speciale, Hana.”- shkruan Loredana në postimin që ka sjellë reagime të shumta tek fansat e çiftit.
