Linda Rama do të jetë një nga folëset kryesore të Forumit Ekonomik të Grave në Lidership, që do të mbahet këtë të hënë në Dubai.
Lajmi është bërë i ditur nga vetë organizatorët e “Women in Leadership Forum – Naseba”, në faqen e tyre zyrtare e po ashtu në rrjetet sociale.
Në seancen plenare të forumit, bashkëshortja e kryeministrit do të flasë mbi temën “Të guxosh për një të ardhme më të mirë”.
Ky Forum njihet si platforma më e gjerë dhe më influencuese e fuqizimit ekonomik të grave në Lindjen e Mesme dhe në botë.
“Mezi presim të diskutojmë sesi mund të ndihmojmë liderët e rinj të ndërtojnë një të ardhme më të mirë me Linda Ramën në një fjalim të titulluar “Të guxosh për një të ardhme më të mirë” në forumin e këtij viti”, shkruhet në Instagram.
Linda Rama ka qenë tepër aktive në eventet kushtuar fuqizimit të femrës. Në verë ajo mbajti një fjalim të gjatë në Samitin e Londrës, ku në fokus kishte femrat shqiptare.
