Është lënë i lirë Ervis Martinaj, 6 muaj pasi u arrestua i plagosur nga sherri që ndodhi në zonën e ish-Bllokut më 4 tetor, ku mbeti i vrarë shoku i tij Fabian Gaxha dhe u plagos Eljon Hato.
Burime për “Shqiptarja.com” thonë se, Martinaj ka fituar lirinë pas një garancie pasurore në vlerën e 5 milionë lekëve.
Martinaj, i cili mbeti i plagosur nga një përplasje me armë brenda një lokali në ish- Bllok, ka fituar lirinë me një vendim të Gjykatës së Tiranës dhënë ditën e djeshme.
Në nëntor, Martinaj po hetohej për 6 vepra penale, “Vrasje në rrethana cilësuese”, “Pastrimi i produkteve të veprës penale”, “Falsifikim i letërnjoftimit, pasaportave ose vizave”, “Organizim i lotarive të palejuara”, “Vënia në dispozicion e lokaleve për lojëra të palejuara” dhe “Fshehje e të ardhurave”.
Ndërkohë dje, Gjykata Apelit në Tiranë ka vendosur lirimin me garanci pasurore të Martinajt.
