Këtë fillimsezoni, shumë vajza të showbiz-it po eksperimentojnë me flokët më shpesh se kurrë më parë.
Kurse Beatriks Ramosaj, paska 3 vjet që s’i lyen flokët.
Mirëpo ndjekëset e Beatriksit në Instagram, janë të bindura se nuk është kështu.
Beatriks shkroi në një postim në Instastory se e pyesin shpesh në lidhje me ngjyrën e flokëve që përdor, por në fakt, ajo që shikojmë, është ngjyra e saj natyrale e flokëve.
“Kaq shumë vajza po më pyesin për ngjyrën time të flokëve.
Nuk i kam lyer që prej rreth 3 vitesh, kjo është ngjyra ime natyrale”
24-vjeçarja mban një ngjyrë gështenjë që hera- herës, duket si të ketë ndërhyrë me fije pakëz më të çelëta.
Rreth dy vite më parë, Beatriksin e pamë me flokë të kuqe flakë në tapetin e kuq të “Top Awards” dhe që atëherë, duket se ka shpallur paqe me flokët e saj natyralë.
