Një ligj është miratuar së fundmi në Suedi, konkretisht: Ligji kundër krimeve të nderit. Ky ligj është kundër krimeve të përsëritura me motive nderi.
Nga data 1 qershor është vendosur tashmë që çdo kush do të shkojë në burg nëse motivi i arrestimit është nderi. Dënimi varion nga 1 deri në 6 vite burg maksimumi.
Ligji ashpërson dënimin ndaj një personi i cili është fajtor për një sërë shkeljesh të paligjshme kundrejt një person që i cenon jetën e nderin e tij/saj.
“Rastet, para legjislacionit të ri, mund të dënoheshin me dy muaj, por tani do të dënohen minimumi me një vit burg, thotë Xhesika Wena, prokurore e specializuar për krimet e nderit.
Ky ligj prek familjarët e një të riu/reje, por edhe të afërmit e tij/saj.
“Ajo që është një gjë e re për ligjin është se atakohen një grup personash”, thotë Xhesika Wena.
Më poshtë, gjeni disa shembuj që ligji i parashikon si krime të nderit:
- Ju nuk ju lejohet të takoni miqtë tuaj
- Ju nuk ju lejohet të përdorni media sociale
- Ju nuk ju lejohet të vishni çfarëdolloj gjëje që dëshironi
- Ju nuk ju lejohet të studioni apo punoni çfarë ju doni
- Ju nuk ju lejohet të keni një lidhje dashurie apo të martohesh me kë dëshiron
- Ju nuk ju lejohet të kryeni marrëdhënie seksuale përpara martesës
Pra, nëse një prind kryen një ndër shembujt e sipërpërmendur ndaj fëmijës së tij/saj, atëherë do të dënohet nga 1 deri në 6 vite burg.
Ja një rast i pasqyruar në mediat suedeze:
Babai i Sarës kontrollonte jetën e saj gjatë gjithë kohës pasi për të nderi ishte mjaft i rëndësishëm.
Ajo jetonte në Suedinë perëndimore, ku babai i saj i kontrollonte jetën si dhe vëllai i saj e priste çdo ditë jashtë shkollës për ta shoqëruar në shtëpi.
“Babai im kishte thënë shumë herë se nëse përpiqemi të largohemi diku, ai do të na gjejë, do të na copëtojë trupin dhe do të na fusë në një qese të zezë plehrash”, ka thënë Sara.
Mirëpo, ky ligj është mirëpritur edhe me kritika
Disa organe kanë paralajmëruar se ligji mund të çojë në diskriminim. Gjykata e Qarkut Umeå shkruan se ekziston një rrezik i menjëhershëm që njerëzit me një “fe” të caktuar të dënohen më rëndë se një “suedez etnik” për të njëjtat vepra.
Bordi i Fakultetit të Drejtësisë në Universitetin e Stokholmit beson se ligji rrezikon të çojë në “stigmatizim të grupeve të caktuara”.
