Winnie Harlow dhe Lewis Hamilton janë në një lidhje prej 3 muajsh.
Modelja 22-vjeçare kanadeze dhe kampioni i Formula 1, 31 vjeç, që janë gjithmonë të pranishëm në rreshtin e parë të çdo Fashion Week, mendohet se po përpiqen ta mbajnë të fshehtë romancën e tyre, raporton “The Sun”.
Çifti thuhet se i janë shmangur takimit ditën e martë kur u ndanë çmimet e GQ në Londër, për të mos krijuar dyshime. Sipas “The Sun”, ata janë në një lidhje që prej muajit korrik dhe marrëdhënia e tyre kohët e fundit ka arritur “një tjetër nivel”.
“Lewis dhe Winnie janë njohur dhe kanë dalë bashkë në Nju Jork vitin e kaluar. Ata nuk duan të lindin dyshime, kështu që të martën ranë dakord të qëndronin larg nga njëri-tjetrit dhe të shmangnin fotografimin”.
Megjithatë ata nuk i shpëtuan syrit të paparacëve, pasi u fotografuan duke ecur drejt së njëjtës makinë jo shumë larg tyre. Pasi makina e modeles lëvizi, Lewis iu deshën vetëm pak sekonda për të hipur në motor dhe për të shkuar pas Winnie-s.
Natyrisht, Winnie nuk është modelja e parë me të cilën Lewis është përfolur, pasi i dha fund lidhjes 8-vjeçare me anëtaren e jurisë së X Factor, Nicole Scherzinger në shkurt 2015.
Ai madje është përfolur edhe për modelet Kendall Jenner dhe Gigi Hadid, Barbara Palvin, e cila është ish-e dashura e Justin Bieber si dhe bukuroshen shqiptare, Rita Ora.
