Një shqiptar nga Lezha ka humbur jetën nga koronavirusi në Britaninë e Madhe. Viktima është Ledi Skuraj, baba i dy fëmijëve dhe kushëriri i ish-deputetit Eduard Ndocaj.
Ka qenë ish-deputeti ai që ka dhënë lajmin e trishtë për Skurajn, i cili humbi betejën me sëmundjen të shtunën teksa po mjekohej në një spital në Londër prej disa ditësh.
Lezhjani në Londër ishte administrator i disa lokaleve, ky dyshohet se u infektua me koronavirus, raporton Report TV.
Ish-deputeti Eduard Ndocaj, që ka postuar një mesazh prekës për kushëririn e tij. Edhe në një bisedë me Report Tv ish-deputeti Ndocaj tha se Skuraj ishte prej një jave në gjendje të rëndë, ndërsa nuk vuante nga asnjë sëmundje tjetër. Ledi Skuraj jetonte prej vitesh në Londër së bashku me familjen.
Në Angli janë 78991 persona të prekur me koronavirus dhe 9875 viktima deri tani, 917 prej të cilave në 24 orët e fundit.
