E ke parasysh momentin kur je duke folur në telefon dhe yt bir të thërret për të patur vëmendjen tënde dhe përsërit: “Mami, mami, mami”… A s’është i adhurueshëm? Keni të drejtë, dashuria është të shohësh dhe të të shohin!
Dhe në fakt unë të shoh dhe të kam parë. Të kam parë të dashuruar, të bukur dhe të angazhuar me gjithë shpirt në një marrëdhënie.
Të kam parë edhe kur humbe dashurinë. Që është e vështirë të gjesh rrugën kur askush nuk të ka mësuar të ecësh. Sepse po, dashurohet edhe duke qenë ” me këmbë në tokë”! Kush e tha se dashurohet vetëm me zemër?
Zemra është që të ndjesh shtrëngimin, lëkura është për t’u përkëdhelur, sytë për të parë, hunda për të njohur aroma, goja është gati për të puthur, trupi është për t’u bashkuar, veshët për të dëgjuar, kurse këmbët janë për të ecur përpara. Dhe duart. Ah duart duhen edhe për t’u bërë pis!
Dashuria është të bësh, dashuria është angazhim!
Dashuria është të bisedosh kur të ka humbur zëri, kur ka një mur që na ndan dhe kur jeni shndërruar në të shurdhër dhe kur njëri ulëret dhe tjetri është në një tren që po “vrapon”.
Dashuria është çmenduri, por edhe lodhje. Dashuria lind, por pastaj përpjekja për ta pasur në krahun tënd, është pikërisht kjo që të plotëson. Por këto t’i kam thënë tashmë. Ndaj dua të të them disa gjëra të reja për ty.
Ti je e aftë për dashurinë!
Sepse je në gjendje të shohësh, të dëgjosh dhe të bësh të gjitha gjërat që beson. I dashuron fëmijët tuaj, punën, fjalët e tua në një mënyrë që është unike.
Ti di të dashurosh!
Por nuk arrin ta bësh këtë nëse nuk arrin të shohësh! Dhe për një kohë të gjatë në jetën tënde, nuk je ndjerë e parë dhe të është dashur ta kërkosh këtë, ndonjëherë edhe në mënyrë të gabuar.
Ok, tani ulu, relaksohu dhe më beso!
Ti e meriton dashurinë. Dashuria ka shumë forma. Ndonjëherë ato të një barku të rrumbullakët, nganjëherë mjerisht të një trekëndëshi, nganjëherë ka forma të rregullta të një katrori…!
Tani është një moment kur nuk je në formën e duhur, por je dashuri. Dhe ti e meriton atë.
Dhe në qoftë se e dashuron atë që beson, atëherë si gjë të parë beso në vetvete. Unë e bëj gjithmonë. Unë të shoh!
Burimi: Huffingon Post
